א. א למנצח על-הגתית מזמור לדוד
ב. ב יהוה אדנינו-- מה-אדיר שמך בכל-הארץ אשר תנה הודך על-השמים
ג. ג מפי עוללים וינקים-- יסדת-עז למען צורריך להשבית אויב ומתנקם
ד. ד כי-אראה שמיך מעשה אצבעתיך-- ירח וכוכבים אשר כוננתה
ה. ה מה-אנוש כי-תזכרנו ובן-אדם כי תפקדנו
ו. ו ותחסרהו מעט מאלהים וכבוד והדר תעטרהו
ז. ז תמשילהו במעשי ידיך כל שתה תחת-רגליו
ח. ח צנה ואלפים כלם וגם בהמות שדי
ט. ט צפור שמים ודגי הים עבר ארחות ימים [ (Psalms 8:10) י יהוה אדנינו מה-אדיר שמך בכל-הארץ ]
| 
