א. א מזמור שירו ליהוה שיר חדש-- כי-נפלאות עשה הושיעה-לו ימינו וזרוע קדשו
ב. ב הודיע יהוה ישועתו לעיני הגוים גלה צדקתו
ג. ג זכר חסדו ואמונתו-- לבית ישראל ראו כל-אפסי-ארץ-- את ישועת אלהינו
ד. ד הריעו ליהוה כל-הארץ פצחו ורננו וזמרו
ה. ה זמרו ליהוה בכנור בכנור וקול זמרה
ו. ו בחצצרות וקול שופר-- הריעו לפני המלך יהוה
ז. ז ירעם הים ומלאו תבל וישבי בה
ח. ח נהרות ימחאו-כף יחד הרים ירננו
ט. ט לפני יהוה-- כי בא לשפט הארץ ישפט-תבל בצדק ועמים במישרים
| 
