א. א יהוה מלך ירגזו עמים ישב כרובים תנוט הארץ
ב. ב יהוה בציון גדול ורם הוא על-כל-העמים
ג. ג יודו שמך גדול ונורא קדוש הוא
ד. ד ועז מלך משפט אהב אתה כוננת מישרים משפט וצדקה ביעקב אתה עשית
ה. ה רוממו יהוה אלהינו והשתחוו להדם רגליו קדוש הוא
ו. ו משה ואהרן בכהניו ושמואל בקראי שמו קראים אל-יהוה והוא יענם
ז. ז בעמוד ענן ידבר אליהם שמרו עדתיו וחק נתן-למו
ח. ח יהוה אלהינו אתה עניתם אל נשא היית להם ונקם על-עלילותם
ט. ט רוממו יהוה אלהינו והשתחוו להר קדשו כי-קדוש יהוה אלהינו
| 
