Esther supl. 3.15

15. Festinabant cursores, qui missi erant, regis imperium explere; statimque in Susan pependit edictum, rege et Aman celebrante convivium, dum civitas ipsa esset conturbata.    15. Et convivium fecerunt omnes gentes; rex autem et Aman, cum introisset regiam, cum amicis luxuriabatur.    15. Ubicumque igitur proponebatur exemplum epistulae, ploratio et luctus ingens fiebat apud omnes Iudaeos.    15. Et invocabant Iudaei Deum patrum suorum et dicebant:    15. “ Domine Deus, tu solus Deus in caelo sursum, et non est alius Deus praeter te.    15. Si enim fecissemus legem tuam et praecepta, habitassemus cum securitate et pace per omne tempus vitae nostrae.    15. Nunc autem, quoniam non fecimus praecepta tua, venit super nos omnis tribulatio ista.    15. Iustus es et clemens et excelsus et magnus, Domine, et omnes viae tuae iudicia.    15. Et nunc, Domine, non des filios tuos in captivitatem neque uxores nostras in violationem neque in perditionem, qui factus es nobis propitius ab Aegypto usque nunc.    15. Miserere principali tuae parti et non tradas in infamiam hereditatem tuam, ut hostes dominentur nostri ”.