1 Самуил, Chapter 12

1. И Самуил му рече на сиот Израил: "Ете, јас го послушав вашиот глас во се, што ми рековте, и ви поставив цар,    2. и еве, царот оди пред вас: а јас остарев и побелев; и синовите мои се со вас. Јас, пак, одев пред вас од младини до денес.    3. Па еве ме, сведочете против мене пред Господа, и пред Неговиот помазаник: кому сум зел вол, кому сум зел осел, кого сум навредил и кого сум притискал, од кого сум зел дар и ги затворил очите пред делото негово, и јас ке ви ги вратам."    4. И одговорија: "Ти не си не навредувал, ниту си не измачувал и од никого ништо не си зел."    5. И тој им рече: "Сведок против вас е Господ, сведок е и помазаникот Негов во овој ден, дека не најдовте ништо против мене." И тие одговорија: "Сведок е."    6. Тогаш Самуил му рече на народот: "Сведок е Господ, Кој ги постави Мојсеја и Арона и Кој ги изведе вашите татковци од Египетската земја.    7. А сега застанете, и јас ке се судам со вас пред Гсопода за сите добри дела, што Он ви ги направи вам и на татковците ваши.    8. Кога Јаков дојде во Египет, и татковците ваши почнаа да викаат кон Господа, Господа го испрати Мојсеја и Арона, и тие ги изведоа татковиците ваши од Египет и ги населија на ова место.    9. Но тие Го заборавија Господа, својот Бог, и Он ги предаде во рацете на Сисар, асирскиот војвода, и во рацете на Филистејците и во рацете на моавскиот цар, кои војуваа против нив.    10. А кога повикаа пак кон Господа и рекоа: "Згрешивме, што Го оставивме Господа и почнавме да им служиме на Вааловци и Астарти, спаси не сега од рацете на непријателите наши, и ние ке Ти служиме Тебе."    11. Тогаш Господ го испрати Јоровала и Варака, Ефтија и Самуила и ве спаси од рацете на околните непријатели ваши, и вие живеевте во мир.    12. Но кога видовте, дека амонитскиот цар Наас оди против вас, вие ми рековте: "Не, нека царува цар над нас", штом Господ, вашиот Бог, е ваш цар.    13. И така, еве го царот, што го избравте, кого го сакавте; ете, Господ ви постави цар.    14. Ако се плашите од Господа и Му служите, ако го слушате гласот Негов и не се противите на заповедите Господови, вие и царот ваш, кој царува над вас, и ако одите по Господа, вашиот Бог, тогаш раката Господова нема да биде против вас;    15. ако, пак, не го слушате гласот Господов и почнете да се противите на заповедите Господови, раката на Господа ке биде против вас, како што беше против татковците ваши.    16. А сега станете и погледнете го големото дело, кое Господ го изврши пред очите ваши:    17. нели е сега пченична жетва? Но јас ке Го призовам Господа, и Он ке испрати гром и дожд, и вие ке дознаете и ке видите, колку е голем гревот, што го направивте пред очите на Господа, барајки за себеси цар."    18. И Самуил го призва Господа, и Господа испрати гром и дожд во тој ден; и сиот народ многу се исплаши од Господа и Самуила.    19. и сиот народ му рече на Самуила: "Помоли се за слугите свои пред Господа, твојот Бог, за да не умреме; зашто кон сите гревови наши додадовме уште еден грев, кога баравме за себеси цар."    20. А Самуил му одговори на народот и рече: "Не плашете се, вие го направивте, вистина, тој грев, но само не отстапувајте од Господа, и служете Му на Господа од се срце,    21. и не одете по ништожни богови, кои нема да ви донесат корист и нема да ве спасат, бидејки се ништо;    22. а Господ нема да го остави народот Свој заради Своето големо име, бидејки на Господа му беше угодно да ве избере за Свој народ;    23. исто така и јас нема да си дозволам грев пред Господа, да престанам да се молам за вас, и ке ви го покажувам добриот и правиот пат;    24. само бојте се од Господа и служете Му вистински од сето свое срце, зашто видовте, какви големи дела изврши Он со вас;    25. ако пак вршите зло, тогаш и вие и царот ваш ке загинете."