2 Летописи, Chapter 7

1. Кога Соломон ја заврши молитвата, слезе оган од небото и ги голтна сепалениците и жртвите, и слава Господова го исполни домот.    2. И свештениците не можеа да влезат во домот Господов, зашто славата Господова го исполни домот Господов.    3. И сите синови Израилеви, кога видоа, како слезе оган и слава Господова врз домот, паднаа ничкум на земја, на плочникот, се поклонија и Го фалеа Господа, зашто е благ, зашто милоста негова е вечна.    4. А царот и сиот народ почнаа да принесуваат жртви пред лицето на Господа.    5. И принесе царот Соломон на жртва дваесет и две иљади вола и сто и дваесет иљади овци: така го осветија Божјиот дом царот и сиот народ.    6. Свештениците стоеја на службата своја, а левитите со Давидовите песни во рацете, стоеја со свирки за песни на Господа, што ги беше направил царот Давди, зашто милоста Негова е вечна; и трубеа свештениците спроти нив, а сиот Израиел стоеше.    7. Соломон го освети и внатрешниот дел на тремот, што е пред домот Господов: таму ги принесе сепалениците и лојот од мирните жртви, зашто бакарниот жртвеник, направен од Соломона, не можеше да ги собере сепалениците, лебните приноси и лојот.    8. И направи Соломон во тоа време седумдневен празник и празнуваше со него сиот Израил, - многу голем собор, што се беше стекол од влезот во Емат до Египетскиот поток;    9. а на осмиот ден направија попразненсто, зашто осветувањето на жртвеникот го правеа седум дена и празнкот - седум дена.    10. И на дваесет и третиот ден од седмиот месец царот го распушти народот по шаторите нивни, сите радосни и весели во срцето поради доброто, што Господ му го направи на Давида и Соломона и на својот народ Израилот.    11. И го заврши Соломон домот Господов и домот царски, заврши успешно се, што беше наумил во срцето свое да го изврши во Господовиот дом и во својот дом.    12. И Господ му се јави на Соломона ноке и му кажа: "Ја чув твојата молитва и Си го одбрав тоа место за дом на жртвопринесувања.    13. Ако го заклучам небото и да нема дожд, ако им заповедам на скакулците да ја испасат земјата, или да испратам помор врз Мојот народ.    14. и Мојот народ, кој се именува со Моето име, се смири, почне да се моли, да го бара лицето Мое и се одврати од своите лоши патишта, Јас ке чујам од небото и ке му ги простам гревовите негови и ке ја излекувам земјата негова.    15. И сега очите Мои ке бидат отворени и учите Мои внимателни кон молитвата во ова место.    16. И сега јас го избрав и го осветив овој дом, та името Мое да биде таму засекогаш; и очите Мои, и срцето Мое ке бидат таму во сите дни.    17. И, ако одиш пред лицето Мое, како што одеше татко ти Давид, и ако вршиш се, што сум ти заповедал, и ако ги пазиш уредбите Мои и законите Мои,    18. Јас ке го зацрвстам престолот на царството твое, како што му бев ветил на татка ти Давид, велејки: ‘нема да снема маж, што ке владее над Изралот.‘    19. Но, ако отстапите и ако ги напуштите наредбите Мои и заповедите Мои, што сум ви ги дал, и тргнете да служите на други богови и да им се поклонувате,    20. Јас ке го истребам Израилот од лицето на Мојата земја, што сум му ја дал, и овој храм, што сум го осветил на Мое име, ке го отфрлам од лицето Свое и ке го направам за приказ и за потсмев кај сите народи.    21. А за овој храм, толку славен, секој, што ке мине покрај него, ке се вxаши и ке рече: ‘Зошто ли постапил Господ така со оваа земја и со овој храм?‘    22. И ке речат: ‘Затоа, што тие Го оставија Господа, Бога на татковците свои, Кој ги изведе од Египетската земја, и се приврзаа за други богови, и, се поклонуваа и им служеа, - затоа Он им го испрати сево ова зло.‘