2 Самуил, Chapter 8

1. Потоа Давид ги порази Филистејците и ги покори; и го одзеде Давид Метег-Гама од рацете на Филистејците.    2. Ги порази и Моавците и ги измери со јажиња, откако ги легна на земја: измери две јажиња за убивање, едно јаже за оставање живи. И Моавците му станаа робје на Давида, му плакаа данок.    3. Давид го порази Адраазара, син на суваскиот цар Рехов, кога тој одеше да ја прошири власта своја при реката Еуфрат;    4. и зеде Давди од него иљада и седумстотини коњаници и двесте иљади пешаци; и им ги пресече Давид жилите на сите колски коњи, оставајки од нив само за сто коли.    5. Дојдоа Сиријци од Дамаск да му помогнат на суваскиот цар Адраазар; но Давид порази дваесет и две иљади Сиријци.    6. Тогаш Давид постави стража во Сирија под Дамаск, и Сиријците му станаа на Давида робови и му плакаа данок. А Господ го чуваше Давида насекаде, каде ке отидеше тој.    7. Потоа Давид ги зеде златните гривни, што ги носеа Адраазовите слуги, и ги донесе во Ерусалим. Нив подоцна ги зеде египетскиот цар Сусаким, кога го нападна Ерусалим, во дните на Соломоновиот син Ровоам.    8. А од Вет и Берот, Адраазаровите градови, цар Давид зеде многу бакар, од кој Соломон направи бакарно море, столбови, мијалници и сите садови.    9. Кога иматскиот цар Тоа чу, дека Давид ја поразил целата Адраазарова војска,    10. и Тоа го испрати синот свој Јорама при царот Давида да го поздрави и да му благодари, поради тоа што војувал против Адраазара и го поразил; бидејки Адраазар војуваше со Тоа. А во рацете Јорам имаше сребрени, златни и бакарни садови.    11. Цар Давид ги посвети и нив на Господа, заедно со среброто и златото, кое го посвети од она, што го беше одзеле од сите народи, кои ги беше покорил:    12. од Сиријците, Моавците, Амонитите, Филистејците и Амаликијците, и од она, што беше одземено од Адраазара, синот на суваскиот цар Рехов.    13. И Давид се прослави, вракајки се од поразот на осумнаесет иљади Сиријци во Солената долина.    14. Тој постави стражи во Идумеја; постави стражи по цела Идумеја; и сите Идумејци му станаа на Давида робови. И Господ го чуваше Давида, каде и да отидеше тој.    15. Така царуваше Давид над сите Израилци, судеше и делеше правда на сиот свој народ.    16. А Јоав, синот Саруев, беше војвода над војската; а Јосафат, синот Ахилудов, беше летописец;    17. Садок, синот Ахитувов, и Ахимелех, синот Авијатаров, беа свештеници; Сераја беше писар;    18. а Ванија, син Јодаев, беше заповедник над Хелетејците и Фелетејците, а Давидовите синови беа први во дворот.