Исаија, Chapter 56

1. Вака вели Господ: пазете го правосудството и вршете правда; зашто е близу спасението од Мене и откровението на Мојата правда.    2. Блажен е човекот, кој го прави тоа и синот човечки, кој здраво се придржува за тоа, кој пази на саботата за да не ја оскверни и ја чува раката своја - за да не врши никакво зло.    3. Синот на другоплеменикот, кој се присоединил кон Господа, да не вели: "Господ сосема ме оддели од Својот народ", и евнухот да не рече: "Ете, јас сум суво дрво."    4. Зашто вака вели Господ за евнусите: "Оние што ги пазат Моите саботи и го избираат она, што Ми е Мене угодно, оние што цврсто се придржуваат за заветот Мој, -    5. ним ке им дадам во домот Свој и во sидините Свои место и име подобро, отколку на синовите и керките: ке им дадам вечно име, кое нема да биде истребено."    6. И синовите на другоплемениците, што се присоединиле кон Господа, за да Му служат и да го сакаат името на Господа, да бидат слуги Негови, - сите кои ја пазат саботата да не ја осквернат и цврсто се придржуваат за заветото Мој,    7. Јас ке ги одведам на Мојата света гора и ке ги зарадувам во Мојот дом за молитва: сепалениците нивни и жртвите нивни ке бидат благопријатни врз Мојот жртвеник, зашто Мојот дом ке се нарече молитвен дом за сите народи.    8. Господ Бог, Кој ги собира распраснатите Израилци, вели: кон собраните кај Израилот ке собирам и други.    9. Дојдете да јадете вие, сите sверови полски, сите sверови шумски!    10. Стражите нивни сите се слепи и неразумни: сите тие се неми пци, кои не можат да лаат, но лежејки бладаат и кои сакаат да спијат.    11. Тоа се пци со ненеситна душа, кои не знаат ситост; и тоа се пастири неразумни: сите, од првиот до последниот, го гледаат својот пат, својата заработка:    12. "Дојдете - велат - ке донесеме вино, ке се напиеме сикер; и утре ке биде истото она што и денес, дури и повеке отколку денес."