Псалми, Chapter 115

1. Не нам, Господи, не нам, туку на Своето име дај му слава, заради Твојата милост, заради Твојата вистина,    2. да не речат незнабожците: "Па каде е нивниот Бог?"    3. Нашиот Бог е горе на небото; на небесата и на земјата врши се, што сака.    4. А идолите на незнабожците се сребро и злато, дело на човечки раце:    5. уста имаат а не зборуваат, очи имаат но не гледаат;    6. имаат уши, но не слушаат; имаат ноздри, но не мирисаат;    7. раце имаат, но не пипаат; нозе имаат, но не одат; тие не пуштаат глас од грлото свое.    8. Слични на нив нека бидат оние што ги прават, такви и оние што се надеваат на нив.    9. Доме Израилев, надевај се на Господа; Он е наш помошник и заштитник.    10. Доме Аронов, надевај се на Господа; Он е наш помошник и заштитник.    11. Оние кои се бојат од Господа, се надеваат на Господа; он е нивни помошник и заштитник.    12. Господ се секава на нас и не благословил, го благословил домот Израилев, го благословил домот Аронов,    13. ги благословил оние, кои се бојат од Господа, мали и големи.    14. Нека ви придаде Господ вам повеке, вам и на вашите деца.    15. Благословени да сте од Господа, Кој го создаде небото и земјата.    16. Небото е Господово небо, а земјата Он им ја даде на синовите човечки.    17. Не мртвите ке Те слават, Господи, ниту оние, што слегуваат во ад,    18. туку ние живите ке го благословуваме Господа отсега и засекогаш.