Esaias, Chapter 4

1. Og på den dagen skal sju kvinnor triva i ein og same mann og segja: Me vil sjølve både føda og klæda oss, berre me fær bera namnet ditt! Tak burt vanæra vår!    2. På den dagen skal Herrens renning vera til pryda og herlegdom, og landsens frukt gild og fager for dei undankomne av Israel.    3. Og det skal vera soleis, at den som vert att på Sion og etterleivd i Jerusalem, han skal kallast heilag, kvar og ein som er innskriven til livet i Jerusalem -    4. når Herren fær tvætta av ureinska hjå Sions døtter og skylt blodskuldi ut or Jerusalem med doms-ande og reinsings-ande.    5. Og yver kvar stad på Sions-fjellet og yver møtelydane der skal Herren skapa ei sky og ein røyk um dagen og skinet av ein logande eld um natti; for yver alt som er herleg, er det eit tjeld.    6. Og ei hytta skal vera til skugge mot dagsens hete og til livd og skjol mot uver og regn.