1. Av David. Hjelp meg til min rett, Herre! for eg hev fare fram i mi uskyld, og til Herren hev eg sett mi lit uruggeleg.
2. Prøv meg, Herre, og røyn meg, ransaka mine nyro og mitt hjarta!
3. For di miskunn er for mine augo, og eg ferdast i din truskap.
4. Eg sit ikkje saman med ljugarar og gjeng ikkje inn hjå fule folk.
5. Eg hatar samkoma av illmenne, og hjå dei ugudlege sit eg ikkje.
6. Eg tvær mine hender i uskyld og vil gjerne ferdast um ditt altar, Herre,
7. til å kveda lydt med lovsongs røyst og fortelja um alle dine under.
8. Herre, eg elskar di husvist, den stad der din herlegdom bur.
9. Riv ikkje mi sjel burt med syndarar eller mitt liv med blodgjeruge menner,
10. som hev skamgjerd i sine hender og si høgre hand full av mutor!
11. Men eg fer fram i mi uskyld; løys meg ut og ver meg nådig!
12. Min fot stend på slettlende; i samlingane skal eg lova Herren.
| 
