Salmenes, Chapter 98

1. Ein salme. Syng Herren ein ny song! For han hev gjort under; hans høgre hand og hans heilage arm hev hjelpt han.    2. Herren hev kunngjort si frelsa, for augo på heidningane hev han openberra si rettferd.    3. Han hev kome i hug si miskunn og sin truskap mot Israels hus; alle heimsens endar hev set frelsa frå vår Gud.    4. Ropa med gleda for Herren, all jordi, set i med fagnad og lovsong!    5. Syng lov for Herren med citar, med citar og med lovsongs røyst,    6. med lurar og basunklang! Ropa med frygd for kongen, Herren!    7. Havet dure og alt som i det er, heimen og alle som i heimen bur!    8. Elvane klappe i hender, fjelli fagne seg alle saman    9. for Herrens åsyn, for han kjem og vil døma jordi; han skal døma jordriket med rettferd og folki med rettvisa.