Exodus, Chapter 21 ܟܐ

ܐ. ܘܐܝܠܝܝܢ ܗܝܢܘܢ ܣܝܕܪܝ ܕܝܢܝܐ ܕܝ ܬܣܕܪ ܩܕܡܝܗܘܢ    ܒ. ܐܪܘ ܬܝܙܒܘܢ ܒܓܢܝܒܘܬܝܗ ܠܥܒܕܐ ܠܒܪ ܝܫܪܐܠ ܫܝܬ ܫܢܝܢ ܝܦܠܚ ܘܒܡܥܠܝ ܫܒܝܥܝܬܐ ܝܦܘܩ ܠܒܪ ܚܘܪܝܢ ܡܓܢ    ܓ. ܐܝܢ ܒܠܚܘܕܘܝ ܝܝܥܘܠ ܒܠܚܘܕܘܝ ܝܦܘܩ ܘܐܝܢ ܡܪܝ ܐܝܢܬܬܐ ܒܬ ܝܫܪܐܠ ܗܝܐ ܘܬܝܦܘܩ ܐܝܢܬܬܝܗ ܥܝܡܝܗ    ܕ. ܐܝܢ ܪܝܒܘܢܝܗ ܝܬܢ ܠܝܗ ܐܝܬܐ ܐܡܬܐ ܘܬܝܠܝܕ ܠܝܗ ܒܢܝܢ ܐܘ ܒܢܢ ܐܝܬܐ ܘܒܢܗܐ ܬܗܝ ܠܪܝܒܘܢܗ ܘܗܘܐ ܝܦܘܩ ܒܠܚܘܕܘܝ    ܗ. ܘܐܝܢ ܝܬܢܝ ܘܝܝܡܪ ܥܒܕܐ ܪܚܝܡܢܐ ܝܬ ܪܝܒܘܢܝ ܝܬ ܐܝܢܬܬܝ ܘܝܬ ܒܢܝܝ ܠܐ ܐܝܦܘܩ ܠܒܪ ܚܘܪܝܢ    ܘ. ܘܝܩܪܒܝܢܝܗ ܪܝܒܘܢܝܗ ܠܩܕ ܕܝܝܢܝܝܐ ܘܝܣܒ ܡܢܗܘܢ ܪܫܘܬܐ ܘܝܩܪܒܝܢܝܗ ܠܘܬ ܕܫܐ ܕܠܘܬ ܡܙܘܙܬܐ ܘܝܚܝܝܛ ܪܝܒܘܢܝܗ ܝܬ ܐܘܕܢܝܗ ܝܡܝܢܐ ܒܡܚܛܐ ܘܝܗܝ ܠܝܗ ܥܒܕ ܦܠܚ ܥܕ ܝܘܒܠܐ    ܙ. ܘܐܪܘ ܝܙܒܘܢ ܓܒܪ ܒܪ ܝܫܪܐܠ ܝܬ ܒܪܬܝܗ ܙܥܝܪܬܐ ܠܐܡܗܢ ܠܐ ܬܝܦܘܩ ܒܡܦܩܢܘܬ ܥܒܕܝܝܐ ܟܢܥܢܐܝ ܕܡܫܬܚܪܪܝܢ ܒܫܝܢܐ ܘܥܝܢܐ ܐܠܗܝܢ ܒܫܢܝܢ ܕܫܡܛܬܐ ܘܒܣܝܡܢܝܐ ܘܒܝܘܒܠܐ ܘܒܡܘܬܬ ܪܝܒܘܢܗܐ ܘܦܘܪܩܢ ܟܣܦܐ    ܚ. ܐܝܢ ܠܐ ܗܫܟܚܬ ܚܝܢܐ ܩܕ ܪܝܒܘܢܗܐ ܕܙܡܝܢ ܝܬܝܗ ܘܝܦܪܘܩ ܝܬܗ ܐܒܘܗܐ ܠܓܒܪ ܐܘܚܪܢ ܠܝܬ ܠܝܗ ܪܫܘ ܠܙܒܘܢܐ ܠܙܒܘܢܗ ܚܠܦ ܕܡܢܝ ܡܪܗ ܪܫܘܬܝܗ ܥܠܗ    ܛ. ܘܐܝܢ ܠܨܝܕ ܒܪܝܗ ܙܡܝܢ ܝܬܗ ܟܗܝܠܟܬ ܒܢܬܐ ܕܝܫܪܐܠ ܝܥܒܕ ܠܗ    ܝ. ܐܝܢ ܚܘܪܢܬܐ ܒܬ ܝܫܪܐܠ ܝܣܒ ܠܝܗ ܥܠܝܗ ܡܙܘܢܗ ܘܬܟܫܝܛܗܐ ܘܡܥܝܝܠܗ ܠܐ ܝܡܢܥ ܠܗ    ܝܐ. ܐܝܢ ܬܠܬ ܡܝܠܝܝܐ ܗܐܝܠܝܝܢ ܠܐ ܝܥܒܕ ܠܗ ܠܡܙܡܢܐ ܝܬܗ ܠܝܗ ܐܘ ܠܒܪܝܗ ܐܘ ܠܡܝܦܪܩܐ ܠܡܝܦܪܩܗ ܠܝܕ ܐܒܘܗܐ ܘܬܝܦܘܩ ܡܓܢ ܕܠܐ ܟܣܦ ܒܪ ܓܛ ܦܝܛܘܪܝܢ ܝܗܝܒ ܠܗ    ܝܒ. ܕܝܡܚܝ ܠܒܪ ܝܫܪܐܠ ܐܘ ܠܒܬ ܝܫܪܐܠ ܘܝܩܛܠܝܢܝܗ ܐܬܩܛܠܐ ܝܬܩܛܘܠ ܒܣܝܝܦܐ    ܝܓ. ܘܕܝ ܠܐ ܐܝܙܕܘܘܓ ܠܝܗ ܘܡܢ-ܩܕ ܝܝܝ ܐܪܥ ܥܝܩܬܝܗ ܠܝܕܘܝ ܘܐܙܡܢ ܠ ܐܬܪ ܕܝܥܪܘܩ ܠܬܡܢ    ܝܕ. ܘܐܪܘ ܝܪܫܥ ܓܒܪ ܥܠ ܚܒܪܝܗ ܠܡܝܩܛܠܝܗ ܒܢܟܝܠܘ ܐܦܝܠܘ ܟܗܢܐ ܗܘܐ ܘܡܫܡܫ ܥܠ ܓܒܝ ܡܕܒܚܝ ܡܬܡܢ ܬܣܒܘܢܝܗ ܘܬܩܛܠܘܢܝܗ ܒܣܝܝܦܐ    ܝܗ. ܘܕܚܒܝܠ ܒܐܒܘܝ ܘܒܐܝܡܝܗ ܐܬܩܛܠܐ ܝܬܩܛܝܠ ܒܫܝܢܘܩܐ ܕܣܘܕܪܐ    ܝܘ. ܘܕܝܓܢܘܒ ܢܦܫ ܡܒܢܝ ܝܫܪܐܠ ܘܝܙܒܢܝܢܝܗ ܘܝܫܬܟܚ ܒܪܫܘܬܝܗ ܐܬܩܛܠܐ ܝܬܩܛܝܠ ܒܫܝܢܘܩܐ ܕܣܘܕܪܐ    ܝܙ. ܘܕܝܠܘܛ ܠܐܒܘܝ ܘܠܐܝܡܝܗ ܒܫܡܐ ܡܦܪܫܐ ܐܝܬܩܛܠܐ ܝܬܩܛܝܠ ܒܐܛܠܘܬ ܐܒܢܝܢ    ܝܚ. ܘܐܪܘ ܝܢܨܘܢ ܓܘܒܪܝܢ ܘܝܡܚܘܢ ܚܕ ܠܚܒܪܝܗ ܒܐܒܢܐ ܐܘ ܒܡܪܬܘܩܐ ܘܠܐ ܝܡܘܬ ܘܝܦܘܠ ܠܡܪܥ    ܝܛ. ܐܝܢ ܝܩܘ ܡܡܪܥܝܗ ܘܡܗܠܝ ܒܫܘܩܐ ܥܠ ܡܘܪܢܝܬܝܗ ܘܝܗܝ ܙܟܝܝ ܡܚܝܝܐ ܡܕܝܢ ܩܛܘܠ ܠܚܘܕ ܒܘܛܠܢ ܥܝܒܝܕܝܬܝܗ ܘܨܥܪܝܗ ܘܢܙܩܝܗ ܘܒܗܬܝܗ ܝܬܢ ܘܐܓܪ ܐܣܝܐ ܝܫܠ ܥܕ ܕܡܝܬܣܝ    ܟ. ܘܐܪܘ ܝܡܚܝ ܓܒܪ ܝܬ ܥܒܕܝܗ ܟܢܥܢܐܗ ܐܘ ܝܬ ܐܡܬܝܗ ܟܢܥܢܝܬܐ ܒܫܪܒܝܛܐ ܘܝܡܘܬ ܒܗܗܘܐ ܝܘܡܐ ܬܚܘܬ ܝܕܝܗ ܐܝܬܕܢܐ ܝܬܕܢ ܕܝܢ ܩܛܝܠܬ ܣܝܝܦܐ    ܟܐ. ܒܪ ܐܝܢ ܝܘܡܐ ܚܕ ܡܥܝܕܢ ܠܥܝܕܢ ܐܘ ܬܪܝܢ ܝܘܡܝܢ ܩܛܝܥܝܢ ܝܬܩܝܝ ܠܐ ܝܬܕܢ ܡܛܘܠ ܕܟܣܦ ܙܒܝܢܝܗ ܗܘܐ    ܟܒ. ܘܐܪܘ ܝܢܨܘܢ ܓܘܒܪܝܢ ܘܝܡܚܘܢ ܐܝܬܬܐ ܡܥܒܪܐ ܘܐܦܝܠܬ ܝܬ ܘܘܠܕܗܐ ܘܠܐ ܝܗܘܝ ܒܗ ܡܘܬܐ ܡܬܩܢܣܐ ܝܬܩܢܣ ܘܘܠܕܐ ܗܝܟܡܐ ܕܡܫܘܝ ܥܠܝܗ ܒܥܠܗ ܕܐܝܢܬܬܐ ܘܝܬܢ ܥܠ ܡܝܡܪ ܕܝܝܢܝܝܐ    ܟܓ. ܘܐܝܢ ܡܘܬܐ ܝܗܝ ܒܗ ܘܬܕܝܢܘܢ ܢܦܫܐ ܕܩܛܘܠܐ ܚܘܠܦ ܢܦܫܐ ܕܐܝܬܬܐ    ܟܕ. ܕܡܝ ܥܝܢܐ ܚܘܠܦ ܥܝܢܐ ܕܡܝ ܫܝܢܐ ܚܘܠܦ ܫܝܢܐ ܕܡܝ ܝܕܐ ܚܘܠܦ ܝܕܐ ܕܡܝ ܪܝܓܠܐ ܚܘܠܦ ܪܝܓܠܐ    ܟܗ. ܕܡܝ ܨܥܪ ܡܚܪܘ ܚܘܠܦ ܡܚܪܘ ܕܡܝ ܦܘܕܥܐ ܚܘܠܦ ܦܘܕܥܐ ܕܡܝ ܗܠܟܫܘܫ ܚܘܠܦ ܗܠܟܫܘܫ    ܟܘ. ܘܐܪܘ ܝܡܚܝ ܓܒܪ ܝܬ ܥܝܢܐ ܕܥܒܕܝܗ ܟܢܥܢܐܝ ܐܘ ܝܬ ܥܝܢܐ ܕܐܡܬܝܗ ܟܢܥܢܝܬܐ ܘܣܡܝܢܗ ܠܒܪ ܚܘܪܝܢ ܝܦܛܝܪܝܢܝܗ ܚܘܠܦ ܥܝܢܝܗ    ܟܙ. ܘܐܝܢ ܫܝܢܐ ܕܥܒܕܝܗ ܟܢܥܢܐܝ ܐܘ ܫܝܢܐ ܕܐܡܬܝܗ ܟܢܥܢܝܬܐ ܝܦܝܠ ܠܒܪ ܚܘܪܝܢ ܝܦܛܝܪܝܢܝܗ ܚܘܠܦ ܫܝܢܝܗ    ܟܚ. ܘܐܪܘ ܝܢܓܫ ܬܘܪ ܝܬ ܓܒܪ ܐܘ ܝܬ ܐܝܬܐ ܘܝܡܘܬ ܝܬܪܓܡܐ ܝܬܪܓ ܬܘܪܐ ܘܠܐ ܝܬܢܟܣ ܠܡܝܟܘܠ ܝܬ ܒܝܫܪܝܗ ܘܡܪܝܗ ܕܬܘܪܐ ܝܗܝ ܙܟܐܝ ܡܕܝܢ ܩܛܘܠ ܘܐܘܦ ܡܕܡܝ ܥܒܕܐ ܘܐܡܗܘ    ܟܛ. ܘܐܝܢ ܬܘܪ ܢܓܫܢ ܗܘܐ ܡܐܝܬܡܠܝ ܘܡܝܕܩܕܡܘܝ ܘܐܝܬܣܗܕ ܥܠ ܐܢܦܝ ܡܪܝܗ ܬܠܬܝ ܙܝܡܢܝܗ ܘܠܐ ܢܛܪܝܗ ܘܡܒܬܪ ܟܢ ܩܛܠ ܓܒܪܐ ܐܘ ܐܝܬܐ ܬܘܪܐ ܝܬܪܓ ܘܐܘܦ ܡܪܝܗ ܝܬܩܛܠ ܒܡܝܬܘܬܐ ܕܡܫܬܠܚܐ ܥܠܘܝ ܡܢ ܫܡܝܐ    ܠ. ܒܪ ܐܝܢ ܟܢܣܐ ܩܢܣܐ ܕܡܡܘܢܐ ܝܬܫܘܝ ܥܠܘܝ ܘܝܬܢ ܦܘܪܩܢ ܢܦܫܝܗ ܟܟܠ ܡܗ ܕܝܫܘܘܢ ܥܠܘܝ ܣܢܗܕܪܝܢ ܕܝܫܪܐܠ    ܠܐ. ܐܝܢ ܒܪ ܝܫܪܐܠ ܝܢܓܚ ܬܘܪܐ ܐܝܢ ܠܒܬ ܝܫܪܐܠ ܝܢܓܚ ܟܕܝܢܐ ܗܕܝܢ ܝܬܥܒܝܕ ܠܝܗ    ܠ ܒ. ܒܪ ܐܝܢ ܥܒܕ ܟܢܥܢܐܝ ܢܓܫ ܬܘܪܐ ܐܘ ܐܡܬܐ ܟܢܥܢܝܬܐ ܟܣܦ ܬܠܬܝܢ ܣܝܠܥܝܢ ܝܬܢ ܠܡܪܝܗ ܕܥܒܕܐ ܐܘ ܕܐܡܬܐ ܘܬܘܪܐ ܝܬܪܓ    ܠ ܓ. ܘܐܪܘ ܝܦܬܚ ܐܝܢܫ ܓܘܒ ܐܘ ܐܪܘ ܝܚܦܣ ܐܝܢܫ ܓܘܒ ܒܫܘܩܐ ܘܠܐ ܝܟܣܝܢܝܗ ܘܢܦܝܠ ܬܡܢ ܬܘܪܐ ܐܘ ܚܡܪܐ    ܠ ܕ. ܡܪܝܗ ܕܓܘܒܐ ܝܫܠ ܟܣܦ ܝܬܝܒ ܠܡܪܝܗ ܕܡܝ ܬܘܪܝܗ ܘܚܡܪܝܗ ܘܢܒܝܠܬܐ ܝܗܝ ܕܝܠܝܗ    ܠ ܗ. ܘܐܪܘ ܝܢܓܘܦ ܬܘܪ ܕܓܒܪ ܝܬ ܬܘܪܐ ܕܚܒܪܝܗ ܘܝܡܘܬ ܘܝܙܒܢܘܢ ܝܬ ܬܘܪܐ ܚܝܝܐ ܘܝܦܠܓܘܢ ܝܬ ܕܡܝܗ ܘܐܘܦ ܝܬ ܕܡܝ ܡܘܬܐ ܝܦܠܓܘܢ    ܠ ܘ. ܐܝܢ ܐܝܫܬܡܘܕܥ ܐܪܘ ܬܘܪ ܢܓܚܢ ܗܘܐ ܡܐܝܬܡܠܝ ܘܡܝܕܩܕܡܘܝ ܘܠܐ ܢܛܪܝܗ ܡܪܝܗ ܫܠܡܐ ܝܫܠ ܬܘܪܐ ܚܘܠܦ ܬܘܪܐ ܘܢܒܝܠܬܐ ܘܡܘܫܟܐ ܝܗܝ ܕܝܠܝܗ    ܠ ܙ. ܐܪܘ ܝܓܢܒ ܓܒܪ ܬܘܪ ܐܘ ܐܝܡܪ ܘܝܟܣܝܢܝܗ ܐܘ ܙܒܢܝܗ ܚܡܫܐ ܬܘܪܐ ܝܫܠ ܚܘܠܦ ܬܘܪ ܚܕ ܡܢ-ܒܓܠܠ ܕܒܛܠܝܗ ܡܢ ܪܝܕܝܗ ܘܐܪܒܥ ܥܢܐ ܚܘܠܦ ܐܝܡܪ ܚܕ ܡܢ-ܒܓܠܠ ܕܐܩܛܝܗ ܒܓܢܝܒܘܬܝܗ ܘܠܝܬ ܒܗ ܥܝܒܝܕܬܐ