Τωβίτ (Σ), Chapter 9

1. τοτε εκαλεσεν Τωβιας Ραφαηλ και ειπεν αυτω    2. Αζαρια αδελφε παραλαβε μετα σεαυτου τεσσαρας οικετας και καμηλους δυο και πορευθητι εις Ραγας και ηκε παρα Γαβαηλω και δος αυτω το χειρογραφον και κομισαι το αργυριον και παραλαβε αυτον μετα σου εις τους γαμους    3. συ γαρ γινωσκεις οτι εσται αριθμων ο πατηρ τας ημερας και εαν χρονισω ημεραν μιαν λυπησω αυτον λιαν και θεωρεις τι ωμοσεν Ραγουηλ και ου δυναμαι παραβηναι τον ορκον αυτου    4.    5. και επορευθη Ραφαηλ και οι τεσσαρες οικεται και αι δυο καμηλοι εις Ραγας της Μηδιας και ηυλισθησαν παρα Γαβαηλω και εδωκεν αυτω το χειρογραφον αυτου και υπεδειξεν αυτω περι Τωβιου του υιου Τωβιθ οτι ελαβεν γυναικα και οτι καλει αυτον εις τον γαμον και αναστας παρηριθμησεν αυτω τα θυλακια συν ταις σφραγισιν και συνεθηκαν αυτα    6. και ωρθρισαν κοινως και εισηλθον εις τον γαμον και εισηλθον εις τα Ραγουηλ και ευρον Τωβιαν ανακειμενον και ανεπηδησεν και ησπασατο αυτον και εκλαυσεν και ευλογησεν αυτον και ειπεν αυτω καλε και αγαθε ανδρος καλου και αγαθου δικαιου και ελεημοποιου δωη σοι κυριος ευλογιαν ουρανου και τη γυναικι σου και τω πατρι σου και τη μητρι της γυναικος σου ευλογητος ο θεος οτι ειδον Τωβιν τον ανεψιον μου ομοιον αυτω