भजनसंग्रह, Chapter 13

1. हे परमप्रभु, तपाईंले मलाई कहिलेसम्म बिर्सनुहुन्छ? के सधैँभरि? कहिलेसम्म तपाईंले आफ्नो मुहार मदेखि लुकाउनुहुन्छ?    2. कहिलेसम्म म मेरो मनमा शोक बोकेर चिन्ता गरिरहूँ? कहिलेसम्म मेरो शत्रु ममाथि प्रबल भइरहनेछ?    3. ममाथि निगाह गर्नुहोस् र मलाई जवाफ दिनुहोस्, हे परमप्रभु, मेरा परमेश्वर, मेरा आँखालाई ज्योति दिनुहोस्, नत्र त म मृत्युको निद्रामा पर्नेछु,    4. नत्र त मेरो शत्रुले भन्नेछ, ‘‘मैले त्यसलाई जितेको छु’’ अनि म डगमगाउँदा मेरा शत्रुहरू रमाउनेछन्।    5. तर मैले तपाईंको दयामाथि भरोसा राखेको छु, मेरो हृदय तपाईंको उद्धारमा रमाउनेछ।    6. म परमप्रभुको स्तुति गाउनेछु, किनभने उहाँ मप्रति भला हुनुभएको छ।