भजनसंग्रह, Chapter 70

1. हे परमेश्वर, मलाई छुटाउन हतार गर्नुहोस्, हे परमप्रभु, मलाई सहायता गर्न हतार गर्नुहोस्।    2. मेरो प्राण लिन खोज्नेहरू सर्ममा परून् र लज्जित होऊन्, मेरो हानि गर्न खोज्नेहरू पछि हटून् र सर्ममा परून्।    3. आहा ! आहा ! भन्नेहरू आफ्नो सर्मको प्रतिफलको निम्ति पछि हटून्।    4. तपाईंको खोजी गर्नेहरू सबै तपाईंमा रमाऊन् र आनन्दित होऊन्, अनि तपाईंको उद्धारलाई प्रेम गर्नेहरूले निरन्तर भनून्, ‘‘परमेश्वरको बढाइँ होस्।’’    5. तर म त गरिब र दरिद्र छु, हे परमेश्वर, मकहाँ आउन हतार गर्नुहोस्, तपाईं नै मेरो सहायक र उद्धारक हुनुहुन्छ, हे परमप्रभु, ढिलो नगर्नुहोस्।